2005新年第一日要翻工....... - 达人(森苗)

2005/01/01 | 2005新年第一日要翻工.......
类别(學習工作篇) | 评论(1) | 阅读(85) | 发表于 00:00: 一早就要起身了.....爸爸话天气开始回暖,5知算5算系一个好消息..

一出门口,就见到隔离屋阿肥婆芬姨咯~~一路倾到去车站,因为第日要入丽江花园,佢熟果头就教我点去,原来从我屋企去番禺好近个喔~~都算叫做系遇到贵人啦~~~~

去到海印南苑...见5到有人喔~~搞到我以为我又荡失了,好在后尾见到<贝太>D人....一齐吹风...等...
我地佳能既PMT都来晒啦~~~~阿珲哥都未离~~~ 哎~~人老脚步系慢D架啦...
..............
摆好晒场之后,活动开始了....开头气氛都好好架,2个钟头倒就卖咗几百蚊野了....点知后来5知点解忽然叫我地彻喔~~`原来场地出现咗问题,预约场地既SAMSON又去咗丽江睇听日既场地喔~....麻烦!后来连城管都来埋~~哎~~~砌好个场无几耐又要拆,真系揾我地来搞咩~~~原本珲哥话因为场地有问题就放我地走价啦~点知阿NICLOE同昌哥又死都坚持要继续做~博命倾场地喔~~~`结果后来决定进军丽江....
吃完饭之后...就开始向丽江进发啦! 原本话打的去价吗~~~后来5知做乜又变咗搭BUS,哎~~`
系车上成班人系度吹水...吹吹下讲到年龄,估下我地TEAM D人几岁,真系估5到原来阿炜系87年既~~
昌哥又睇5出原来已经30了~~~`呵~ 讲完年龄就讲星座,佢地话我一睇就知双子座个喔~~~乜...有样睇既咩? 呵~原来昌哥都系...难怪咁有头脑啦~嘻嘻.

讲讲下佢地挪咗阿炜部小柠檬来睇,见到佢同NICLOE姐既合照,佢地都觉得好奇怪了~(其实,阿炜系NICLOE姐既细路,呢样野得我知道,因为NICLOE系我表嫂,我同阿炜都系靠佢既关系入去既~哈哈~)当然5可以比人任何人知道,公司入面除咗CARY就无人知了.....阿炜同佢地讲大话~`话咩以前做暑期工既时候就识NICLOE乜乜物物,讲得好自然,可能处女座既人讲大话既时候都系咁,但系我眼中就好鬼假了,`我望住佢,佢就向我打眼色,我只好暗地里偷笑了,其实之前我就已经感受到公司入面既事事非非,又好多野都系沉默算了....哈哈~昌哥个座位竟然有人留低咗一袋柑,新年执到金呀~~~`后来去到丽江佢就分咗袋柑,话好意头喔~~我吃咗好多只呀~~`因为好甜呀~呵呵~跟住粤兴个女仔去7买鱼蛋番来又比我督咗几粒,跟住演示既时候叮野吃,我又吃咗一旧粟米同两条肠仔喔~~5错5错~
今日阿莹做野好积极,所以我变得无乜好做了,腾来腾去咁就一日了~~~~丽江既人差5多户户都有养狗,品种都好多呀,见到佢地拖住狗,就走埋去玩下佢地既狗,赞下佢,跟住D主人就会好开心同你倾计,然后就帮衬你了~ 咁既工作都5错.....

因为妈妈同阿哥去咗聪表哥度,屋企得番PAPA系度,佢打电话比我话屋企有送叫我番去吃饭,我米番咯~~~番到
江燕路口,佢再打电话比我话,ER....D松都5系几岩你胃口,不如你去岛内价自己买想吃既野啦~~~咁我米谂住去咯~~~点知原来岛内价果个站以家系5停既~~~我只好系番燕子岗落,就系车站隔离间店打包咗碗牛肚面,番到去~~~老豆已经打紧佢既鱼边炉了~~`哎~成炉都系鱼,果真然系5多岩我胃口.我都曡埋心水吃面价啦,点知佢话~~阿爷都无野吃喔~~不如你比咗碗面佢啦~~~`其实我都5饿既,比佢咯~~~ 而且可以叫外卖都得既.不过后来我都系自己煮即吃面算了~~~~~

2005既第一日,我就系咁过了~~~~~~~~~`明天要再战丽江呀!!!; 0

http://sumsum.5d.cn/

评论Comments